كل مره كنت باأبعد•*´¨`*•.¸¸.•*بقلم / صفاء عبد ربه

كل مره كنت باأبعد

كل مره كنت باأبعد
***************
كل مره كنت باأبعد
باأبقي ناوي علي الرجوع
باأبقي سايب قلبي عندك
تمسحي منه الدموع
كنت عارف انه بحضنك
راح يعلن ياحبيبتي الخضوع

أرجع الاقي قلبي صافي
بحنانك داوتيه من الجروح
وعينيكي كانت تقول ا. طمن
ربي يوفقك . يلا روح
وأما ترجع راح تلاقي
قلبك حفظاهولك من الخضوع

كنت مهما بأغيب وبرجع
ألاقي صوابعك . قايداها شموع
ولما أقولك كفايه . اطفيها
تسيبيها . بردوا قايده . لما أروح
ألاقي نفسي ليكي وحدك
بعد ربي . أعلن لك الخضوع

وفي سجودي بادعي ربي
أتوسل له . لأجل خاطرك
يطول . عمري وعمرك
ومعاكي وحدك أعيش
وأوعدك طول ماأنا عايش
أصونك . وأبدا ما أجرحكيش

وأوصي قلبي عليكي
يمسح الحزن في عينيكي
وأوهبه . يكون ملك ليكي
لأجل بعينيكي . ماتدمعيش
ولو حتي جيت ومت
بردوا . أوعديني ماتحزنيش

ماأنا غيرك ياحبيبتي ماليش
وانتِ عليا أبدا ما تهونيش
ومهما أشرق . ولا أغرب
أبعد . أسافر . أتغرب
لحد تاني غبرك أنتِ
أبدا عمري ما أتقرب

لكن المره دي . شكل تاني
لقيتك مش عارف ليه متغيره
نظرات عينيكي تايهه متحيره
وكنتي مش منتظراني
حسيت انك كارهاني
ناكره لحبي وحناني

مالك ياحبيبتي واحشاني
ليه بتزيدي في أحزاني
وتقولي ارحل وانساني
ولما ترجع مش راح تلقاني
وهربتي بعيونك تاني
وماودعتيني . حتي لثواني

صفاء عبد ربه