يا رب هنينا
عاشق الجمال و الحنان إياك تبيعيني
إوعي تبيعي الوداد أو يوم تخونيني
مغروم و عاشقك أنا يا قمري حبيني
مشتاق للحظة رضا يا حبي ضميني
عايش وحيد دنيتي يا غالية دفيني
عطشان حنان و حنين يا ريت تروِّيني
إعطيني كأس الوداد يا حلوة ناوليني
محتاج لهمسة حنان شوقك بناديني
طمعان في لمسة وفاء إياك ترديني
بأنده تعالي قربي مشتاق تضميني
حافظي على ودنا في القلب خبيني
دا أنت ضياء دنيتي و هنايا في سنيني
و أنت الحبيبة الوفية و أنت نور عيني
رَسْمِك في قلبي الكبير مُذ بِدء تكويني
و إن نويت على البعاد إياك تطاوعيني
و إن غواني الشيطان من غيه شديني
بجميع سيوف الغرام حاربيه و رديني
إوعاكِ تنسي اللي بينا إياك تسيبيني
و لو غلبني الهوى مظلوم تسامحيني
أسأل إله السماء يحفظني و يهديني
و يديم جمال حبنا و يحمي حدود ديني
و يجعلنا بسمة في حياة كل المحبين
يسعد جميع الأحبة و من العين ينجيني
كلمات و إلقاء الشاعر المصري /
محمد العراقي في 16 / 9 / 2014 م
ليست هناك تعليقات :
إرسال تعليق