خايفه اقول له ... بقلم الأستاذ خالد الكردي

كتب جواب ---------- وبعتهولي
وناديتني جارتي -------- اديتهولي
مديت ايديا-------------- وخدته قوام
وجريت بسرعه ----------- قفلت الباب
غمضت عيني ---------- وانا مسكاه
من قبل مااعرف------------ ايه جواه
فتحته وقريت ------------ بيقول ايه
بيقول------------------ حبيبته ونن عينيه
مشتاق -------------------- وباعت يسألني
صحيح بحبه ------------ وافكر فيه
سحرت وانا -------------- باقرا كلامه
بيقول ------------------------- اميره احلامه
وقلبي -------------- لما سألته عليه
بيقوللي ------------- دايب ف غرامه
قعدت افكر ----------------- مع نفسي
اكتب واقول -------------------- اللي ف نفسي
اقول له ايه ------------------- والله انا خايفه
ليكون ----------------------- بيلعب بعواطفي
لو قلبي وعيوني ------------------- احبابه
يدخل لي بيتي --------------من بابه
بلاش بقي -------------------- شغل مراهقين
قطعت وبايدي --------------- جوابه