فرعون ع الموضة ....بقلم الشاعر أشرف الشناوى

فرعون ع الموضه...................

فرعون
دالوقتي
بيتوضا وبيصلي
والكل وراه
متملي
وفي اول صف
بيسجد
وبيركع
علشان هوا
اللي بيدفع
وملجم كل الخلق
اللي بتسمع
فرعون دالوقتي
علي الموضه
حج وعامل
ميت عمره
عايش دايما
في مؤامره
سايب نفسه
مع الموجه
وبينسي الايام
العوجه
فرعون دالوقتي
بقي خوجه
فرعون متربي
علي النوجه
فرعون عاد
راكب عربيه
يقتل ويدبح
ويدفع ديه
ما هو عايش
اصلا في تكيه
انا اول واحد
اديله نيشان
اغبيه
ماهو لازم
يطلع فرعون
علشان مانشوف
الانبيا
ماهو لازم يطلع فرعون..........علشان مانشوف الانبيا