،،،،،،،،،
قدرت أهـون عليك
،،،،،،،،،،،،،،،،،،،
قدرت أهـون عليك
والله برافــــو عليك
بقــدم أحلى تحية
حاتناســب معاليك
،،،،،،،،،،،،،،،،،،،،،
دفاتــــري وذكرياتي
وأجمل ما ف حياتي
تقابلني أسلمهملك
مع خالص تحيـــاتي
،،،،،،،،،،،،،،،،،،،،،،،
مشاعـــري البريئة
وضحكتي الرقيقــة
وكلامي الحلو كلة
بالســاعة والدقيقة
،،،،،،،،،،،،،،،،،،،،،،
ورودك الـــــــدبلانة
ونسيمك وانته معايه
وريحة السحر الصافي
وفــــرحتي وشــقاية
،،،،،،،،،،،،،،،،،،،،،
منـــــاديك المنسية
وأســـرارك المخفية
وكل مكان شــــافك
وداب في المـلاغية
،،،،،،،،،،،،،،،،،،،،
فكرني بحاجة تانية
أجيبهالك في ثانية
خايف أنسى حاجة
تشوفها يوم عينايه
ليست هناك تعليقات :
إرسال تعليق