*راح النوم*
راح النوم من عينى عشان
نمت يا اخويا الليله جعان
لو ده حالى واللى جرالى
يعمل ايه بس الغلبان
راح النوم من عينى عشان
نمت يا اخويا الليله جعان
لو ده حالى واللى جرالى
يعمل ايه بس الغلبان
واللى عليه الدنيا تضيق
والمحروم من عطف صديق
يعمل ايه التايه لما
تهرب منه خطاوى طريق
ربك وحده هو معين
هو الخالق لينا من طين
هو الواهب هو الرازق
بس نكون ف الكون راضيين
قبلنا اكلوا عيشهم حاف
ولى الفقر ومنهم خاف
فرشوا الارض وصانوا العرض
وسما هم عملوها لحاف
حلم أخويا يجيب عربيه
وحلم أبويا يجيب له طقيه
آه من نفسى ومن عمايلها
امتى يا نفسى تكونى مرضيه
إحنا جرالنا ابه معرفش
جوا قلوبنا صخر ودبش
وضميرنا أهو مات جوانا
وم الأخره كده ليه ما نخفش
لا معانا صكوك الغفران
ولا ذره كده م الايمان
تابهبن فيها واللى ما فيها
بيدور على بر أمان
لو ده حالنا واللى جرالنا
ايه ها يكون ف الغد مصرنا
مين ها يداوى لينا جراحنا
ومين م الهم ده بكره يشيلنا
رضا ابو الغيط
والمحروم من عطف صديق
يعمل ايه التايه لما
تهرب منه خطاوى طريق
ربك وحده هو معين
هو الخالق لينا من طين
هو الواهب هو الرازق
بس نكون ف الكون راضيين
قبلنا اكلوا عيشهم حاف
ولى الفقر ومنهم خاف
فرشوا الارض وصانوا العرض
وسما هم عملوها لحاف
حلم أخويا يجيب عربيه
وحلم أبويا يجيب له طقيه
آه من نفسى ومن عمايلها
امتى يا نفسى تكونى مرضيه
إحنا جرالنا ابه معرفش
جوا قلوبنا صخر ودبش
وضميرنا أهو مات جوانا
وم الأخره كده ليه ما نخفش
لا معانا صكوك الغفران
ولا ذره كده م الايمان
تابهبن فيها واللى ما فيها
بيدور على بر أمان
لو ده حالنا واللى جرالنا
ايه ها يكون ف الغد مصرنا
مين ها يداوى لينا جراحنا
ومين م الهم ده بكره يشيلنا
رضا ابو الغيط
ليست هناك تعليقات :
إرسال تعليق