رسالة من شهيد :-
==========
لو فى يوم يا ما قالولك
أنني مت وشهيد
وكنت واقف فى الميدان
حارس السلك الحديد
أفرحي ياما وقوليلهم
أنني عايش سعيد
وانى جيت لك فى المنام
لابس أمير
والجواري والخدم
ألف ويزيد
واعمليلهم أكلة حلوة
ويلبسوا أجمل جديد
فرحيهم
ولو قدرتي ترقصي !!
راقصيهم
خلى يبقى اليوم دا عيد
وعرفيهم أنني شايف
وعايش وسطهم
حببيهم فى الشهادة
وحديهم أيد فى أيد
وفيه رسالة عايز أقولها
بس ياما ماتزعليش
عارفة مين اللى قتلني
ابن عمى الشيخ فريد
شفته يا أما
وهو شايل أربجيه
قلت له ارجع !!!
بلاش !!!
راح قتلني من بعيد
رغم إنى كان بإيدى أقتله
بس ما قدرتش ساعتها
عارفة ليه ؟؟ !!!
افتكرت أبنه وليد
أبقى ياما روحى بيتهم
وأحضية !!
وطبطبي ياما عليه
وشوشيه !!
أن عمه مات شهيد
وان أبوه هو اللى قاتل
هو اللى خان العهد بينا
ودا أكيد
ولو قابتلى ابن عمى
الشيخ فريد
عرفيه أنني أتمنى أرجع
من جديد
وأكون سعيد
وبنفس يا ما اللى حصل
وأموت شهيد
وأبقى بصي ساعتها
يا ما فى عنية
شوفي ايه فيها الجديد
وافرحي وادعى لى ياما
النعيم يكتر وزيد
بقلمي ،،
على مصطفى ،،،
29 / 10 / 2014 م
ليست هناك تعليقات :
إرسال تعليق