الخميس، 30 أكتوبر 2014

بكره جي بكره أنا بستناك يا بكره*بقلم منى الجلاد


)0( بكره جي بكره )0(
أنا بستناك يا بكره
كأنك جي بكره
مش راح تنسى وتعند
وتيجي بعد بكره
تعالى في الميعاد
وأنا راح أنسى العناد
وحياة كل اللي فات
لتيجي يا بكره بكره
أنا أستنيت كتير
من يوم ليوم أسير
مش راح تفرق كتير
لوتيجي يا بكره بكره
بحلم بيوم جديد
أودع فيه الجراح
معرفش غير سماح
لو تيجي يا بكره بكره
هلبس أنا فيك جديد
هعتبرك أحلى عيد
قلبي اللي عاش وحيد
راح يفرح من جديد
معدش في كلام
راح أقول سلام سلام
بس أوع يا بكره تنسى
إن أنت جي بكره
..
بقلم
منى الجلاد
navright

ليست هناك تعليقات :

إرسال تعليق

الاشتراك في: تعليقات الرسالة ( Atom )