( جيش رجالة )
أهبل مين
وأبوه برياله
اللي مفكر
إن الجيش دا
ماهوش رجالة
مصر دي أكبر
قوى ياحثالة
دا أنتوا الفايز
وقت نخاله
دا إحنا رساله
تجر رساله
دم المصري
دا كله بساله
عمره ما خان
ولا عاش بنداله
راجل وقت
الشده تملي
وقت ما يغضب
نار ما تخلي
عارف ربه
وليه بيصلي
عمره ما كان
طربوش عثمانلى
أو في عقال
دلدول متولي
أهبل مين
وابوه برياله
اللي مفكر
إن الجيش دا
ماهوش رجالة
100 مليون
جاهزين للموت
100 مليون
جاهزين لشهادة
100 مليون
واقفين ببياده
عشقك جوا
قلوبنا عباده
لو ضاع منك
شبر نموت
ويبقي حرام
نقعد ف بيوت
أو ناكل
من شجرك توت
أهبل مين
وابوه برياله
اللي مفكر
إن الجيش دا
ماهوش رجالة
أهبل مين .. وأبوه برياله !!
الشاعر / أشرف الشناوى
البرامون_المنصورة
ليست هناك تعليقات :
إرسال تعليق