يا حلو طل*عوني هشام شاعر واعلامى

عوني هشام شاعر واعلامى

يا حلو طل
======== ===بقلم عونى هشام
يا حلو عدى وطل
قلبى فيك دايب
معايا ورد وفل
ليه بعيد غايب
------------------
ارحم عذابى معاك
طول عمرى باستناك
انت دوا جروحى
نفسى يوم رؤياك
-----------------------
العين عليها حاجب
لكن انت فى الننى
مفيش ولا حاجب
وليه تجننى
------------------
بحبك وبيك مشغول
خليك قريب منى
حياتى لك على طول
اياك تروح عنى
------------------
شايفك وبتدارى
وانت قريب دارى
شاغلنى ومشغول بك
ولا انت مش دارى
------------------------
طب عدى اشوف رؤياك
قلبى داب فى هواك
حبك فريد فى الكون
سهران وباستناك
---------------------------
ما عندى اى ظنون
انت شاغل بالى
طمنى بس عليك
الفكر مش خالى
-------------------
ارحم دموع عينى
شوقى كله اليك
ليه بس تجافينى
انا روحى دابه فيك
---------------------
فاكر وانا جنبك
لما لمست ايديك
قلبى مع قلبك
ساعتها شفت عينيك
-------------------------
الله على رمشك
وبقلبى انا حارسك
يا اللى الهوى جواك
ومعايا فيه رسمك
-------------------------
\\\عونى هشام \\\