الوحده ساعات هي الحل
لما نفوس الناس تتوسخ
ف طبيعي قلبك هيمل
لما تلاقي كلامهم مسّخ
حرّص يا أبني و أسمع مني ..
فيه أفكار محتاجه غسيل
لما هتوصل يا أبني ل سني
هتلاقي كلامهم تقويل
و أنت غريب دايماً وسطيهم
و لسانهم بقى سيف دباح
و أما تفكر يوم تحميهم
هتلاقي لسانهم مرتاح
مش عارف إيه الوصف اﻷمثل
للي بيهوى يجرّح فيك
إنسان كان دايماً بيمثل
علشان ناوي يقرب ليك
أول ما تقرب بتلاقي
الوش اﻷسوء يظهر لك
و القلب هيتحول نائي
إن فكر ف آللي بيحصلك
طنش علشان دول أصناف
موجوده طبيعي ف دنيتنا
و إن قولنا عاوزين أنصاف
ف مفيش حد هيسمع صوتنا
ليست هناك تعليقات :
إرسال تعليق