سيجال من وحى الخيال*عوني هشام شاعر واعلامى

عوني هشام شاعر واعلامى

سيجال من وحى الخيال
============= بقلم عونى هشام
عونى
---------
ملك من غيرك ملاك قلبى
شغلتى كيانى مع روحى
تشاروى اوام اجى والبى
بحنانك اشوف دوا جروحى
ملك
--------
يا روح الروح انا وياك وباشتاق لك
وشوقى يزيد اطير وياه
دقات قلبى تنده لك
بحُب فى قلبى ليك معناه
عونى
---------
معنى الحب انا لمسته
لكن فى عنيكى شفت ملام
عتاب وياكى ما عرفته
عشت انا وانتى فى الاحلام
حلمى حقيقه انا عشته
وقلت معاكى احلى كلام
كلامك كله انا سمعته
نغم حالم مع الايام
ملك
-------
عشت اوهام مع الايام
وجيتنى بحب خلانى
اعيش بحياتى فى الاحلام
وازيد من حبى فى حنانى
حنانى كله ليك واليك
ملكت معاها وجدانى
احس حياتى دايبه فيك
اطير واخدك فى احضانى
عونى
---------
ملك يا اسم له معنى
اشوفه حنان بيجمعنا
شوقى كل يوم بيزيد
وصوتك عزف سمعنا
بعيش وياكى قصة حب
وحبك ليا هو أمان
تنادينى يرد القلب
بنغم حالم بعزف كمان
اقول الله على عيونك
وبسمه اقراها فى شفايفك
ورمش كحيل على جفونك
ومهما تخبى انا شايفك
ملك
---------
حروف اسمك انا عرفاها
حرف بحرف له مغنى
ال ع حرف له معنى
وعينى عليك مكان ما تروح
ال واو مربع الاشعار
بلحن جميل وسمعنا
ال نون فيك كل شئ مكنون
ونون النسوه فيها جروح
ال ياء ياريت الكل يسمعنا
واتغنى انا وياك يا روح الروح
عونى
---------
كتبت فيكى كل اشعارى
والحانى على الاوتار
عزفت وانتى اختارى
انا الجانى مليش اختار
جنيت على قلبى بايديا
وعينى نزفت الاحبار
كتبت بدمعى على ورقى
بحبك لقيتها فى الاخبار
===============
\\\\ عونى هشام\