{{{ مالي الكيان }}}
♡♡♡♡♡♡♡♡♡♡
خلاص نسيت حب السنين ؟
وضاع بينا عشق و حنان
وهان عليك تبكي العين
و قلبي ليك حضن الأمان
الحب مش ظن و خداع
وفراق يطول ويا الضياع
الحب عنوان للوصال
و وفاء على مر الزمان
الحب مش كلمة وغرام
ومعاد رومانسي في الضلام
الحب راقي و له أصول
لا عمره خان ولا كان جبان
إياك تهاجر حبي ليك
وعليك دموعي تبقى تسيل
وروحي كتير تشتاق إليك
وعشقي ليكي مالي الكيان
بكتب رسالة م الفؤاد
عاشق لروحك و العيون
و لا مرة أخونك بالبعاد
وأصون لعشقك مهما كان
~~~~~~~~~~~~
شعر ///
محمد عباس أبو عمر
19/8/2017
ليست هناك تعليقات :
إرسال تعليق