قصيدة : ( الصوفية )
عارف إنى مش بأديه
أصل الشعر سقانى الميه
عبا الكلمة فى قفا الكلمة
رص ابياته فى أحلى صنيه
مخى بيحفر بالبريمة طلع ماس
وسبايك دهبى كت منسيه
أنا قلت اخطفهم وف حجرى
أشيلهم واجرى ماهيه لقيه
والموضوع يستاهل خلقه
يشربوا منى شربة هنيه
قصدى نصيحة قصيرة صريحة
لا هيه شتيمة ولا ترميه
......................................
قالوا الصوف منه الصوفية
لفظ عجيب والنسبة غبية
واقطابهم لاربعة خدمونا
فرقوا بينا السكة الواحدة ألف
طريقة سدة أخرها اسوار مبنيه
والعارفين بالله بعديهم
مش عازمين إخلاص النيه
كانوا ماشين ساحبين ف أديهم
لمة كبيرة وسط الزفة مشايخ
شايخة جارة سبحها
سالكة طرق تايهة وملويه
ببص بعينى من ع القمة
فجأة لقيت مريدين جاينلى
لما قالولى تمشى معانا
قلت اعفونى داسو عليه
.............................................
سرقت بنظرى لقطه
غريبة حاجة مريبة
راحت شدانى ملتم
راكب فرسه الأسود
كان بيفقر وبيطوح
يحبى وراه مساكين
ماسكنلى أعلام خضرة
كانت بترفرف
جلاليب بيضه بفته تفرح
وعمم وطواقى
بتتمرجح والمزيكا زورها بيصرخ
ناى ورباباعود وكمانجة دهولة
وطابلة مزامير فرعة
رق علينا الرق بنغمه وصاجات رازعة
مزهر شخلل شخلل مزهر
شخلل لينا والسقفة تزلزل تحتينا غنوا
وهتفوا الله الله الله ياخدك
منك ليه أنت وهوه وهوه وهيه
دبت جسمى رعشة عجيبة
سخنوا ورقصوا هزوا
قوامهم شطحوا علينا
واتنططوا تنطيط القرد حضرة
دى ولا كانت سرك
لفوها بالطول والعرض كانوا
باصنلى قمت ضحكت راحوا
شدنى ظط معاهم
هز يا وز هز يا وز يلعب
وسطى مش بإرادتى
ولا العيب راح يلزق فيه
......................................
بيلوحوا بسياخ محمية تعدى
خدودهم ويا رقابهم وبخور
فايح غما عنيه
بخوا النار رعبتنى الولعة
جنب الحاوى لقيتهم قالوا
ايه رأيك نعمل جمعيه
ورشونى بقرطاس اللب
وبحمص وحلاوة
المولد ياه للدرجادى العمليه
خطتهم روعة ومظبوطة
خطة بديلة زغللوا
عينى بعلفة شهيه
كبسة ودمعة شربة وفته
ضانى ليس حنكى وعقلي
بدهنة سمينة جامدة
الحبكة لقمة عفيه
......................................
بعد ما كلنا بسرعة حبسنا
بشى وشيشة دخت لوحدى
سبت اعصابى راحت مرخية
راحوا واخدنى لخيمة بتشغى
نسوان قاعدة مستنية
قلت الليلة مش هتعدى قالوا
دى حمرة قلت
دى كبية حطوا عليه
كلت العلقة مشيت
بقفايا مشنت عيش
رحت لدارى أناملى شوية
حلمت بصحبة ماهش
منسية كان البدوى
ويا رفاعى نادا قناوى
شافه دسوقى قاله
دا مين مجعوص ع الكرسى
طلع المرسى يا ختى
عليهم نعم الصحبة رحبوا بيه
......................................
فقت صحيت ووقعت بسيفى
فارش جسمى ع الأرضية
قعدت أفكر أكلم نفسى وانا
متكدر دول أموات أو حيين
مش مالكين لا نفع ولا ضر
ما تخدش كلامى من البر
اسمع منى ولا
غلطانلك بعزم ما عندك
لبس وشى إيدك ديه
هوا الدين بوس الأعتاب
تشد رحالك ع اللبواب دبحك
ندرك عند قباب كبه عليك
إنك تسألهم أو تتمسح عند
قبورهم أوعى تقولى فاهم
دينك أنت لا فاهم ولا متنيل
أنت مدهول كلك شرك وحد
ربك جمد قلبك حط كلامى
حلقة فى ودنك واسمع
وادى ودانك ليه
......................................
ملناش غيره هنعبد غيره
صلى وسبح
زكى وأدبح زوره فى بيته
صوم واطوع
ومتنساش الصدقة الجارية
واقبل عذرى لو انى جرحتك
حلوة حكايتي طويلة شوية
لو ما فهمتش أخص عليه
وادى نصيحتي للصوفية
أدى نصيحتي للصوفية
أدى نصيحتى للصوفية
بقلمى / #شاعر المشاكل#
.............................................
...............................................
ليست هناك تعليقات :
إرسال تعليق