غُربِتنا •*´¨`*•.¸¸.•* بقلم / عزت عبد العزيز حجازي

غُربِتنا

غُربِتناَ
*****

غُربتنا لا .. مُش غُربة سفر ..

غربتنا لا .. ولا غٌربة وطَن ..

غُربة سؤال .. جواه سؤال ..

ليه الحياه ؟! .. ليه الآلم .. ؟!

يبكي الوليد ساعة الميلاد ..

يبكي بصراخ من غير جراح ..

وده طفل ليه بس الآلم .. ؟!

نحلم كتير .. أحلام تِطير ..

خوف الرحيل أكبر كتير ..

من أي حلم في ألبوم صور ..

تُمُر الحياه .. تمُر السنين ..

زي الرياح .. زي الفصول ..

فجأه الخريف .. فجأه الرجوع ..

أخر المطاف سَطر حزين ..

إسم وميلاد .. وساعة رحيل ..

نبقي وبس ذكرى ورقَم .. !!

غنائية من كلمات
عزت عبد العزيز حجازي
19/9/2014